O Colexio Profesional de Xornalistas de Galicia, coa colaboración e o patrocinio da Novacaixagalicia, convoca o II Premio A imaxe de Galicia, que escollerá a mellor imaxe sobre a actualidade galega publicada nos medios de comunicación ao longo do 2010.
A nosa memoria está cada vez máis creada de imaxes, e a ese mosaico da colectividade contribúen dunha maneira esencial os medios de comunicación.
Os e as fotoxornalistas de Galicia constrúen todos os díasco seu traballo a imaxe que a cidadanía ten do significado deste país.
Coa creación deste premio, o Colexio de Xornalistas e Novacaixagalicia queren recoñecer o traballo das e dos xornalistas gráficos e a súa importancia como profesionais da información encargados de ilustrarnos co seu labor os acontecementos galegos.
